Íþróttaskóli Breiðabliks

Íþróttaskóli 3-5 ára barna er starfræktur á veturna í íþróttahúsi Breiðabliks í Smáranum.


Vorönn í íþróttaskólans hefst þann 20. janúar kl. 10:00 - 12:00 og verður alla laugardaga að 27. janúar og 3. febrúar undanskildum, 7. apríl verður síðasti tími Íþróttaskólans. 

Skráning og greiðsla fer fram í gegnum Nóra, skráningar- og greiðslukerfið (sjá hér).

Vorönn 2018 (10 skipti) kostar kr. 10.000

Einnig er hægt er að kaupa 10 tíma klippikort á kr. 12.000 sem gildir frá janúar til apríl 2018. Forráðamenn skulu prenta út kvittun frá Nóra og mæta með í fyrsta tíma og fá klippikortið afhent frá þjálfara. Tvö eða fleiri börn geta notað sama klippikortið. 

Íþróttaskóli Breiðabliks á Facebook.

Í skólanum leggjum við áherslu á að þessi fyrstu kynni barna af íþróttahúsum séu jákvæð og að þeim líði vel inni í íþróttasalnum enda er það forsenda þess að börn haldi áfram að iðka íþróttir. Það er mjög mikilvægt að okkar mati að börnin finni þörf til þess að hreyfa sig og að þau njóti þess að vera í hreyfistund í íþróttasalnum. Rannsóknir hafa líka sýnt fram á að staðgóð grunnþjálfun þar sem áhersla er lögð á alhliða líkams- og hreyfiþroska og jákvætt umhverfi hefur mjög mikla og jákvæða þýðingu fyrir einstaklinginn þegar fram í sækir.Íþróttaskóli hefur verið starfræktur á vegum Breiðabliks frá fyrsta starfsári Smárans árið 1994. Fyrsti skólastjóri og helsti hvatamaður að stofnun skólans var Anton Bjarnason, lektor við Kennaraháskóla Íslands. Allt frá upphafi hefur Breiðablik lagt metnað sinn í að þau börn sem þangað koma njóti leiðbeininga færustu aðila; íþróttakennara, leikskólakennara og grunnskólakennara.

Einnig er nauðsynlegt að börnin fái hvíld og slökun í lok slíkra leikja, þannig að þau skynji muninn á spennu og slökun. Íþróttaskólinn er tilvalinn vettvangur til þess að undirbúa börnin fyrir hinar hefðbundnu íþróttagreinar.