Æfingagjöld 2017-2018

Æfingagjöld 2017-2018

Smellið hér til að ganga frá æfingagjöldum

 

Stjórn knattspyrnudeildar Breiðabliks hefur samþykkt æfingagjöld fyrir tímabilið 2017-2018. Æfingagjöldin hækka um 6,5 % frá fyrra ári en helsta skýringin á því eru hækkanir á launum þjálfara sem margir hverjir voru að endurnýja samninga sína við félagið en einnig var vinnuhlutfall aukið hjá einstaka þjálfara. Öll iðkendagjöld yngri flokkanna renna óskipt til að greiða laun þjálfara og leggur knattspyrnudeild Breiðabliks kapp á ábyrgan rekstur deildarinnar og að veita jafnframt góða þjónustu.

Símamótsafslátturinn hefur hins vegar hækkað um 25% svo raunhækkun á gjöldum í 3.-7. flokk er 3-4% ef afslátturinn er nýttur.
Athugið að einungis er hægt að nýta sér Símamótsafsláttinn ef gengið er frá æfingagjöldum fyrir 1. desember 2017.

Innifalið í iðkendagjöldum Breiðabliks er:
• Þjálfun við bestu aðstæður með vel menntuðum þjálfurum
• Fríar ferðir þegar keppt er á KSÍ mótum
• Markmannsæfingar
• Hlaupa- og styrktaræfingar í 11-manna bolta.

Veittur er systkina- eða millideildaafsláttur og er hann samtals 15%.

Í skráningar- og félagakerfi Breiðabliks reiknast afslátturinn þannig:
1. Iðkandi er skráður og greiðir fullt æfingagjald.
2. Þegar annað systkinið/önnur deildin er skráð þá reiknast afslátturinn af báðum æfingagjöldum og dregst allur afslátturinn af seinna æfingagjaldi.
3. Þegar þriðja systkinið/deildin er skráð þá reiknast afslátturinn af þriðja gjaldi.
4. Þegar fjórða systkinið/deildin er skráð þá reiknast afslátturinn af fjórða gjaldi.

*Æfingatímabil er 1.október 2017 – 30.september 2018. Gert er ráð fyrir að iðkendur séu búnir að ganga frá æfingagjöldum í síðasta lagi fyrir 1. desember.

Iðkendur með ógreidd æfingagjöld fá ekki að keppa fyrir hönd Breiðabliks og hafi ekki verið gengið frá æfingagjöldum eftir eina ítrekun má búast við að þjálfarar vísi iðkendum af æfingum. Einnig eru þessir iðkendur ekki tryggðir á æfingum, sjá nánar á vef félagsins:
https://www.breidablik.is/um_breidablik/tryggingar_idkenda/

* Greiðsla æfingagjalds er forsenda/skilyrði fyrir þátttöku á æfingum og mótum sem flokkur þess fer á. Þjálfarar skrá mætingar á hverja æfingu.

* Mikilvægt er að hafa samband við skrifstofu ef um fjárhagserfiðleika er að ræða og finna úrlausn sem leiðir til áframhaldandi þátttöku iðkandans.

* Ef iðkandi hættir æfingum á miðju tímabili eru gjöldin ekki endurgreidd nema að góð og gild ástæða sé fyrir því að barnið hætti s.s. búferlaflutningur og /eða meiðsli. Hafa skal samband við skrifstofu félagsins sem afgreiðir umsóknir í samráði við barna- og unglingaráð. Ekki er heimilt að endurgreiða það sem greitt hefur verið með tómstundastyrknum frá Kópavogsbæ.

*Athugið að einungis er hægt að nýta sér Símamótsafsláttinn ef gengið er frá æfingagjöldum fyrir 1. desember 2017. Ef æfingagjöld eru greidd miðað við vinnu á Símamótinu og forráðamenn taka síðan ekki vaktir á mótinu gjaldfellur strax sú upphæð sem fólst í þátttökunni, 15.000 kr., að viðbættum seðilgjöldum.

Hægt er að ganga frá gjöldunum í Nóra – athugið að haka við „Símamótsvinna 2018“ ef foreldri/forráðamaður ætlar að nýta sér Símamótsafsláttinn og leggja fram vinnu á Símamótinu 2018.

Æfingagjöld 2017-2018



Stækka töflu með því að smella hér