Íþróttaskóli Breiðabliks

Íþróttaskóli 3-5 ára barna er starfræktur á veturna í íþróttahúsi Breiðabliks í Smáranum.

Vorönn íþróttaskólans hefst laugardaginn 11. febrúar 2017
Börn 3 ára kl. 10-11.
Börn 4-5 ára kl. 11-12.

Íþróttaskóli Breiðabliks á Facebook.

Íþróttaskóli Breiðabliks hefst í Smáranum laugardaginn 11. febrúar og verður í 9 skipti.
Aðalsteinn Jónsson íþróttakennari og Hólmfríður Samúelsdóttir íþróttafræðingur hafa yfirumsjón með skólanum.
Verð á námskeiðinu er 9000kr. Einnig er hægt að kaupa stakan tíma á 1.500 kr.
Skráning og greiðsla fer fram í gegnum Nóra, skráningar- og greiðslukerfið (sjá hér). 

Verðlisti íþróttaskóla Breiðabliks, 11. feb til 8. apríl 2017
 

Frá Til Skipti Eitt barn - Heildarverð Barn nr2 0,85 Barn nr3 0,85
11.feb 8.apr 9 9000 7650 7650
18.feb 8.apr 8 8000 6800 6800
25.feb 8.apr 7 7000 5950 5950
4.mar 8.apr 6 6000 5100 5100
11.mar 8.apr 5 5000 4250 4250
18.mar 8.apr 4 4000 3400 3400
25.mar 8.apr 3 3000 2550 2550
1.apr 8.apr 2 2000 1700 1700
8.apr 8.apr 1 1000 850 850


Í skólanum leggjum við áherslu á að þessi fyrstu kynni barna af íþróttahúsum séu jákvæð og að þeim líði vel inni í íþróttasalnum enda er það forsenda þess að börn haldi áfram að iðka íþróttir. Það er mjög mikilvægt að okkar mati að börnin finni þörf til þess að hreyfa sig og að þau njóti þess að vera í hreyfistund í íþróttasalnum. Rannsóknir hafa líka sýnt fram á að staðgóð grunnþjálfun þar sem áhersla er lögð á alhliða líkams- og hreyfiþroska og jákvætt umhverfi hefur mjög mikla og jákvæða þýðingu fyrir einstaklinginn þegar fram í sækir.Íþróttaskóli hefur verið starfræktur á vegum Breiðabliks frá fyrsta starfsári Smárans árið 1994. Fyrsti skólastjóri og helsti hvatamaður að stofnun skólans var Anton Bjarnason, lektor við Kennaraháskóla Íslands. Allt frá upphafi hefur Breiðablik lagt metnað sinn í að þau börn sem þangað koma njóti leiðbeininga færustu aðila; íþróttakennara, leikskólakennara og grunnskólakennara.

Einnig er nauðsynlegt að börnin fái hvíld og slökun í lok slíkra leikja, þannig að þau skynji muninn á spennu og slökun. Íþróttaskólinn er tilvalinn vettvangur til þess að undirbúa börnin fyrir hinar hefðbundnu íþróttagreinar.