Æfingagjöld

Athugið að upphæðin sem birtist í Nóra er fyrir allt tímabilið, hafið samband við Sissu á .(JavaScript must be enabled to view this email address) ef iðkandi byrjaði um áramótin og hún breytir upphæðinni.
* Iðkandi sem byrjaði að æfa um áramótin og er með lögheimili í Kópavogi á rétt á 6.000 kr. niðurgreiðslu frá Kópavogsbæ.

Innifalið í æfingagjöldum
Þjónustugjald Sundsamband Íslands er innheimt af öllum sundfélögum á landinu. Þessi gjöld notar SSÍ til að þjónusta sundfélögum og iðkendum.
Mótgjald er upphæð sem er greidd fyrir hvern sundmann á mótum. Gjaldið er 300 – 500 kr fyrir hverja grein sem synt er. Þess vegna er mikilvægt að allir sem skráðir eru til keppni mæti og syndi sínar greinar eða láta vita með góðum fyrirvara að viðkomandi komist ekki á mótið.

Greiðsla æfinga- og skráningagjalda
Æfinga- og skráningagjöld á að greiða við upphaf æfingatímabils eða við skráningu í félagið og greiðast fyrirfram. Nýir iðkendur fá viku reynslutíma.

Greiðslufyrirkomulag
Mögulegt er að greiða æfingagjaldið með eftirfarandi hætti:
1. Staðgreiða
2. Með greiðslukortasamningi (VISA/EURO). Æfingagjaldið skiptist jafnt allt að 10 mánuði.
3. Með greiðsluseðli (pappírslaust). Æfingagjaldið skiptist jafnt allt að 10 mánuði.

Afslættir
Veittur er systkinaafsláttur sem er 20% fyrir annan iðkanda og fyrir 25% fyrir hvern umfram það. Einnig er veittur 20% iðkendaafsláttur ef æft er með fleiri en einni deild.

Niðurgreiðsla æfingagjalda 2011-2012

Kópavogsbær veitir foreldra / forráðamanna barna á aldrinum 5-17 ára styrki vegna íþrótta- og tómstundaiðkunar. Frá og með haustinu 2011 verður greiddur styrkur vegna barna sem fædd eru á árunum 1994 - 2006. 

Styrkur fyrir eina grein getur orðið allt að 12 þúsund krónur á ári. Hvert barn getur fengið niðurgreiðslu vegna 2 íþrótta- og/eða tómstundagreina og samtals getur styrkurinn því orðið kr. 24.000,- að hámarki á ári. Ef iðkun greinar er annarskipt þá er greitt hálft gjald fyrir hverja önn að hámarki kr. 6.000,-, þó aldrei hærra en kr. 12.000,- fyrir árið.

Framkvæmd niðurgreiðslunnar er þannig háttað að íþróttafélögin innheimta æfingagjöldin og sjá um að sækja styrkinn til bæjarins. Þetta þýðir að ef æfingagjald á ársgrundvelli er kr. 30.000,- greiðir foreldri/forráðamaður kr. 18.000,- til félagsins og félagið sækir framlagið kr. 12.000,- til bæjarfélagsins.

Sjá nánar um niðurgreiðslur:
http://www.kopavogur.is/thjonusta/tomstundir/tomstundastyrkir/