Viltu æfa skíði?

• Skíðaíþróttin er fyrir alla fjölskylduna
• Skíðaíþróttin er holl hreyfing og útivera
• Skíðaíþróttin er frábær samvera foreldra og barna
• Skíðaíþróttin er einstaklingsíþrótt, en liðsheildin skiptir þó sköpum

Við hvetjum öll börn sem hafa áhuga á því að æfa skíði að prófa að mæta á æfingu hjá okkur þeim að kostnaðarlausu og án skuldbindingar. Það er hægt að byrja hvenær sem er á æfingatímabilinu og það verður tekið vel á móti öllum nýjum iðkendum. Misjafnt er hvenær börn eru tilbúin að æfa skíði en almennt er miðað við að þau séu orðin 5 ára.

Áður en snjór kemur í fjöllin fara inniæfingar fram á auglýstum æfingatímum. Þá er einfaldlega hægt að mæta á æfingu og gefa sig fram við þjálfara.

Skíðaæfingar í fjalli eru eðli máls samkvæmt háðar aðstæðum og veðri. Æfingatímar geta því verið breytilegir og þjálfarar lesa upplýsingar um æfingar á símsvara deildarinnar.

8 ára og yngri: 846-5396

9-12 ára: 878-4091

Gott er að hafa samband við þjálfara áður en mætt er á fyrstu æfingu í Bláfjöllum, en einnig er hægt að mæta tímanlega fyrir æfingu í Breiðabliksskálann.

Til að skrá barn í deildina og ganga frá æfingagjöldum er hægt að hafa samband við Guðrúnu Kristjánsdóttur á netfanginu: studlaberg(hja)la.is.

Þeim sem eiga ekki skíðabúnað er bent á að skíðaleiga er í Bláfjallaskálanum. Þá er oft hægt að fá notuð skíði í gegnum heimasíðu skíðadeildarinnar undir "spjall".

8 ára og yngri:

Æfingar eru 2-3 í viku og fara fram seinni part dags á föstudegi og að morgni um helgar. Þegar opið er um helgar í fjalli er boðið upp á gistingu í skálanum frá föstudegi til laugardags. Börn í þessum aldursflokki þurfa að gista með foreldri/forráðamanni. Æfingar geta færst til og verið seinnipart dags á öðrum dögum. Æfingar fara annars fram samkvæmt ákvörðun þjálfara.
Þóra Ásgeirsdóttir
s. 846-5396

9-12 ára:

Í haust (2010) og þar til snjórinn kemur í Bláfjöll verða inniæfingar og þrekæfingar tvisvar til þrisvar í viku í Íþróttahúsi Kárnsnesskóla eins og hér segir.

Þriðjudaga 18-19:15 9-12 ára
Miðvikudagar 18-19 11-12 ára
Fimmtudaga 18-19 9-12 ára.

Æfingar eru 3-4 sinnum í viku eftir að opnar í Bláfjöllum. Æfingar eru almennt seinni part dags á virkum dögum og að morgni um helgar. Þegar opið er í fjalli um helgar geta börnin gist föstudag til laugardags. Æfingar fara annars fram samkvæmt ákvörðun þjálfara.
Sigurður Sveinn Nikulásson
s. 824-1121
Netfang: sigurdur(hja)bernhard.is

13 ára og eldri:

Tekið er við nýjum iðkendum í samráði við þjálfara.