Brettadeild hefur verið stofnuð innan skíðadeildar Breiðabliks

Brettadeild hefur verið stofnuð innan skíðadeildar Breiðabliks og nú í febrúar fer af stað skipulagt starf hjá brettadeildinni þar sem kennt verður á snjóbretti og snjóbrettafimi  er þjálfuð.

Ekki hefur verið skipulagt snjóbrettastarf innan skíðadeilda á höfuðborgarsvæðinu áður en mjög vaxandi ástundun snjóbretta kallar eðlilega á slíkt.

Starfið er byggt upp þannig að bæði byrjendur og þeir sem lengra eru komnir munu fá þjálfun og kennslu í brettafimi.

Snjóbrettastarf er uppsett svipað og tómstunda eða skátaflokkur.  Ekki er lögð megináhersla á keppni, heldur frekar á almenna færni og umgengni við fjöllin og skíðasvæði.  Kenndur er leikur fyrir lífið.  Ýmsir viðburðir munu eiga sér stað í vetur, en starfið endar með hátíð sem kennd er við Andrés Önd og haldin er álega á Akureyri síðla aprílmánaðar.

Aldurshópur:
8-14 ára  -  Aldursskipting sú sama og í skíðahópum, þó gert einnig út frá getu.

Starfað er frá byrjun febrúar og út apríl  með æfingum tvisvar sinnum í viku, 2 tíma í senn.  Fyrsta æfing 15. febrúar.  Kynningarfundur 13. febrúar.

Æfingar verða:  á miðvikudögum kl. 18-20 og  laugardögum kl. 11-13

Þátttökugjald/æfingagjald:  21.000 krónur þennan fyrsta vetur.

Niðurgreiðslur sveitarfélaga eiga við hér eins og í öðru íþróttastarfi, s.s. frístundakort o.s.frv.  Almennt um 12.000 krónur

Innifalið:
Æfingagjald, æfingar tvisvar í viku 2 tíma í senn
Þátttökugjald í Andrésar Andarleikum  (áætlað 6.000 krónur)

Ekki innifalið:
Æfingarkort í Bláfjöll,  7.000 krónur.

Athygli er vakin á því að byrjendur eru hvattir til þess að nýta sér þetta starf til þess að komast af stað á snjóbretti.

Öryggisbúnaður sem allir þurfa að hafa:  hjálmur og bakbrynja.

Skráning og fyrirspurnir:

Póstur á :    .(JavaScript must be enabled to view this email address)

Póstur þarf að innihalda eftirfarandi:

Nafn  og kennitala iðkenda/ snjóbrettara   
Upplýsingar um getustig:  þ.e. vanur eða óvanur
Nafn og kennitala forráðamanns ásamt símanúmerum þar sem hægt er að ná í forráðamann.

Dæmi:  Jón Jónsson kt:  010298-2324  óvanur/nýr,
foreldri:  Jón Sigurðsson kt: 020266-6789   GSM: 8961699 Heimasími: 5647890