Afrekssjóður ÍTK

Auglýst er eftir umsóknum í Afrekssjóð Íþrótta- og tómstundaráðs Kópavogs (ÍTK).

Samkvæmt reglugerð eru markmið sjóðsins eftirfarandi:
a) Að veita afreksíþróttafólki í íþróttafélögum í Kópavogi fjárhagslegan styrk vegna æfinga og/eða keppni, og þannig búa þeim sem besta aðstöðu til að stunda íþrótt sína
b) Að veita afreksíþróttafólki í hópíþróttum í íþróttafélögum í Kópavogi sem náð hefur afburðaárangri fjárhagslegan styrk og gera þeim kleift að búa sig enn betur undir áframhaldandi keppni.
c) Að styrkja afreksíþróttafólk sem á lögheimili í Kópavogi og stundar íþrótt sem ekki er iðkuð með íþróttafélagi í Kópavogi.
d) Að veita árlega styrki og viðurkenningar fyrir unnin afrek í íþróttum jafnt kvenna sem karla.


Umsóknum um styrki skal skilað á þar til gerðum eyðublöðum fyrir 13. nóvember 2009. Umsóknareyðublöð ásamt reglugerð fyrir sjóðinn fást í afgreiðslu á bæjarskrifstofum Kópavogs Fannborg 2, 1. hæð. (Eyðublaðið er hér).

Nánari upplýsingar eru gefnar í síma 570-1500.


Íþróttafulltrúi