Skákþjálfun veturinn 2016-2017


Viltu æfa skák oft í viku og stefna á afreksmörk Skáksambands Íslands ?

Skákdeild Breiðabliks í samstarfi við Skákskóla Íslands býður upp á öfluga skákþjálfun með það að markmiði.

Almennar æfingar:
Boðið er upp á æfingatíma í stúkunni við Kópavogsvöll fyrir grunnskólakrakka.
Eldri/reyndari/með skákstig: mánudaga til föstudaga frá 16:15 – 18:15.
Þjálfarar: Birkir Karl Sigurðsson, Dagur Ragnarsson, Hjörvar Steinn Grétarsson og Helgi Ólafsson.
Einnig sérstakar æfingar fyrir c.a. 10 ára og yngri: mánudaga og þriðjudaga l 16:00 - 17:00 og kl 17:00-18:00 á miðvikudögum.
Þjálfari er Kristófer Gautason

Æfingarnar henta skákkrökkum sem hafa náð grunnfærni í skák, hafa mikinn áhuga og vilja æfa skák oft í viku að stefna að því að verða í fremstu röð á Íslandi og að standa sig með sóma á alþjóðlegum barna- og unglingaskákmótum.

Hver iðkandi velur sér eins margar æfingar í viku og henta honum. Einnig verður hægt að velja um að mæta seinna og fara fyrr ef tíminn t.d. rekst á aðrar tómstundir. 
Iðkendur utan Kópavogs og í hvaða taflfélagi sem er eru velkomnir. Allir geta mætt í nokkur skipti til að prófa án æfingagjalds.

Auk þess sjá stórmeistararnir Hjörvar Steinn Grétarsson og Helgi Ólafsson um sérstaka afreksþjálfun fyrir þá áhugasömustu í reyndari hópnum.

Fyrsta æfing verður mánudaginn 29.ágúst
Síðasta æfing fyrir jólafrí verður föstudaginn 9.desember.
Fyrsta æfing eftir áramót verður mánudaginn 2.janúar
Páskafrí mánudag 10.apríl – mánudags 17.apríl.
Síðasta æfing fyrir sumarfrí verður föstudaginn 12.mai
Frí er á æfingum alla hátíðisdaga. (fim 20.apríl: Sumardagurinn fyrsti, mán 1.mai: Verkalýðsdagurinn)

Æfingagjöld veturinn 2016-17: (eru styrkhæf sem tómstundastyrkur hjá Kópavogsbæ og Reykjavíkurborg):
Þrisvar sinnum eða oftar í viku: 30.000kr
Tvisvar sinnum í viku: 20.000kr
Einu sinni í viku: 10.000kr
Skráning í Íbúagátt Kópavogsbæjar: https://ibuagatt.kopavogur.is/login.aspx?ReturnUrl=%2fdefault.aspx

Þeir sem byrja eftir áramót fá afslátt sem er þannig að ef æft er tvisvar í viku er valið einu sinni í æfingagjöldunum og ef æft er þrisvar eða oftar er valið tvisvar sinnum !
Þeir sem hafa náð afreksmörkum Skáksambands Íslands fá frítt á allar æfingar og mót hjá Skákdeild Breiðabliks.

Æfingarnar eru á jarðhæð í stúkunni við Kópavogsvöll. Gengið inn á jarðhæð í gegnum hlið eins og verið sé að fara á fótboltaleik og þaðan inn í glerbygginguna.

Nánari upplýsingar hjá Halldóri Grétari: .(JavaScript must be enabled to view this email address)

Afreksmörk SÍ: http://skaksamband.is/?c=webpage&id=487