Kihon

Kihon þýðir undistaða eða grunnur. Ef undirstöður hússins eru ekki góðar verður húsið aldrei traust og það sama má segja um karate. Kihon er grunnurinn undir allt annað í karate. Í fyrstu lærir iðkandinn einfaldar og fáar hreyfingar. Varnir, kýlingar og spörk. Fyrst einar sér og svo samsetningar fleiri hreyfinga. Þegar færnin eykst fjölgar tæknunum sem iðkandinn lærir uns hann getur framkvæmt hinar ýmsu varnir og árásir ósjálfrátt og af mikilli nákvæmni. Fyrst þegar iðkandinn er orðin nægilega fær í undirstöðunum fær hann að spreyta sig í kumite (''frjáls bardaga''). Grundvallaratriði í kumite er að hafa stjórn á hreyfingum sínum og tækninni þannig að andstæðingurinn meiðist ekki. Þess vegna fá nýliðar ekki að spreyta sig í kumite fyrr en ljóst er að tækni þeirra er orðin nógu góð. Börn eru aldrei látin í kumite fyrr en um 12-13 ára aldur.