Breiðablik sigurvegari í Bikarkeppni FRÍ 15 ára og yngri!

Breiðablik sigraði bæði í pilta- og stúlknaflokki í Bikarkeppni 15 ára og yngri sem fram fór á Laugardalsvelli í dag og þá samanlagt einnig. Samanlagt hlutu sveitir Breiðabliks 168,5 stig, A-lið FH varð í öðru sæti með 152,5 stig og í þriðja sæti A-lið ÍR með 149 stig.

A-lið FH og Breiðabliks hlutu 80,5 stig í stúlknaflokki, en Breiðablik átti fleiri sigurvegara og hlaut því sigurinn í stúlknaflokknum. A-lið íR varð síðan í þriðja sæti með 76 stig.
Í piltaflokki hlaut HSK 87 stig var aðeins einu stigi á eftir Breiðabliki sem hlaut 88 stig og því var keppni þar ekki síður jöfn og spennandi fram að síðustu grein. A-ÍR var einnig í þriðja sæti í piltaflokki með 73 stig.

Alls voru tíu lið með í keppninni að þessu sinni og mikil keppni í mörgum greinum á mótinu.

Heildarúrslit mótsins, bæði í stigakeppni og í einstökum greinum, er hægt að sjá á heimasíðu FRÍ: http://mot.fri.is/cgi-bin/ibmot/urslitib1946D1.htm

Aldeilis frábær árangur hjá þessu unga íþróttafólki okkar og sýnir okkur að framtíðin er björt í frjálsum hjá Breiðabliki!

-ss