Hinn sívinsæli Körfuboltaskóli hefst á morgun og er hann í boði fyrir börn fædd 1998-2003. Skólinn er rekinn á tímabilinu 9:00 – 12:00 virka daga og fer fram í Smáranum. Hægt er að koma með börnin kl. 08:00 í flest námskeiðanna því barnagæsla er á staðnum til kl. 9:00. Sama á við í hádeginu þegar Ævintýranámskeið er í boði en þá er einnig hægt að kaupa hádegismat.

Körfuboltaskólinn er bæði fyrir þá sem hafa gaman að körfubolta eða þá sem langar bara að prufa eina og eina viku.

Öll börn í Kópavogi, sem fædd eru 1998-2003 (1.- 6. bekk) býðst að taka þátt ókeypis í Körfuboltaskólanum í eina viku einhvern tíma í sumar (sjá námskeiðin hér að neðan).

Kennd verða grunnatriði körfuknattleiks bæði með æfingum og því að fara í ýmsa leiki s.s. “kílókörfu” og “varpa bolta” og hinn sívinsæla spilaleik. Um er að ræða mjög lifandi og skemmtilegt námskeið sem notið hefur mikilla vinsælda undanfarin ár. Ef veður er gott verður farið út. Verð fyrir vikunámskeið er 5.000 kr. Verð fyrir gæslu og hádegismat; sjá Knattspyrnunámskeið.

Hægt er að skrá börn á körfuboltanámskeiðið og í gæslu frá og með 3. maí með því að senda tölvupóst á netfangið namskeid@breidablik.is eða hringja í síma 510-6400. Veittur er 20% systkinaafsláttur.


1. vika 9. – 18.júní
2. vika 21. – 25. júní
3. vika 28. – 2. júlí
4. vika 5. júlí – 9. júlí
5. vika 12. – 15. júlí (ath. Aðeins 4 dagar vegna Símamóts)
6. vika 19. – 23. júlí
7. vika 26. – 30.júlí
8. vika 3. – 6. ágúst
9.vika 9. – 13. ágúst