Stelpurnar í minnibolta 11 ára kláruðu veturinn heldur betur með stæl en þær luku vetrinum með því að skella sér í skemmti- og æfingaferð á Flúðir. Þar var ýmislegt gert sér til skemmtunar en stelpurnar kepptu tvo vináttuleiki við Hrunamenn, skelltu sér í sund, grilluðu Breiðabliksborgara og héldu kvöldvöku svo eitthvað sé nefnt. Á kvöldvökunni veitti þjálfari liðsins verðlaun fyrir bestu mætinguna í vetur en það var Elín Edda Guðmundsdóttir sem hlaut þau. Stelpurnar skemmtu sér konunglega eins og sjá má á eftirfarandi myndum. Þjálfari stelpnanna í vetur var Gunnhildur Erna Theodórsdóttir.